काठमाडौं । स्पानिस ला लिगामा बार्सिलनाले रायो भालेकानोसँग १-१ को बराबरी खेलेको छ । खेलको ३९औं मिनेटमा उनाई लोपेजले गोल गर्दै घरेलु टोली रायोलाई अग्रता दिलाएका थिए । लामो समय त्यो अग्रता कायम रहेपनि अन्तिम दश मिनेटमा रायोले बचाउन सकेन । ८२औं मिनेटमा रायो कै फ्लोरियन लेजेउनेले आत्मघाती गोल गरेपछि बार्सिलोनाले खेल बराबरी गर्न सफल भएको हो । बराबरीपछि १४ खेलबाट ३१ अंकसहित बार्सिलोना चौथो स्थानमा छ । १३ खेलबाट बार्सा समान अंक रहेको एट्लेटिको मड्रिड तेस्रोमा छ । एट्लेटिकोले एन्टोनी ग्रीजमनको दोस्रो हाफ गोलमा मालोर्कालाई १-० ले पराजित गरेको थियो ।